• Radio Himshikhar
  • kankai Bikash Bank
News Updates
  • तरकारी तथा फलफुलमा विषादी मापनका लागि प्रदेश सरकारले सुरु गर्‍यो ल्याब परीक्षण
  • आज देशको अधिकांश भूभागमा भारी वर्षा हुने सम्भावना
  • झापा क्षेत्र नं ३ ‘क’ का लागि १५ करोड बजेट विनियोजन
  • प्रहरीलाई निर्देशन दिंदै गृहमन्त्री थापाले भने, 'जनताको विश्वास थप बलियो बनाउनुहोस्'
  • शिवसताक्षी नगरपालिका ११ मा दुई करोड रुपैयाको लागतमा स्वास्थ्यचौकी भवन निर्माण ।
राष्ट्रिय
झापामा बाढीको जोखिम, उद्धारकालागि तयार रहन सम्वनधीत पक्षलाई सिडियोको निर्देशन
प्रकाशित मिति: शुक्रबार, आषाढ २७, २०७६

झापा । झापामा ३ दिन देखि लगातार परेको पानीका कारण नदीमा पानीको बहाव बढिरहेको अवस्थामा हुन सक्ने प्रावृतिक विपद् व्यवस्थापन सहज बनाउन  जिल्ला समितिले विपद् पूर्वतयारी तथा प्रतिकार्य योजना र मनसुन आपतकालीन कार्ययोजना बारे विहीबार स्थानीय तह तथा सरोकारवाला निकायहरुसँग छलफल गरेको छ ।

स्थानीय तहका प्रमुख तथा प्रतिनिधिहरुले आआफ्ना पालिका बाढी तथा डुबानजन्य प्रकोपको अवस्थामा तयारी रहेको छलफलमा जानकारी गराएका थिए । कार्यक्रममा प्रमुख जिल्ला अधिकारी तथा विपद् व्यवस्थापन समितिका अध्यक्ष जनकराज दाहालले बाढी तथा डुवानको उच्च जोखिममा रहेका स्थानमा बसोवास गर्ने नागरिकको उद्धार र राहत सामग्रीको अवस्था बारे स्थानीय तहका प्रमुख, सुरक्षा निकाय र स्वास्थ्य क्षेत्रका प्रमुखसँग जानकारी लिएका छन् ।

उनले गाउँपालिका र नगरपालिकाहरुलाई साउन र भदौ महिनाका लागि ढुङ्गा चलाउन जान्ने र परेका बेला उद्धारमा खटाउन सक्ने तालिम प्राप्त व्यक्तिहरुलाई तलब नै दिएर राख्न समेत आग्रह गरे । प्रजिअ दाहालले डुबान र बाढीको उच्च जोखिम रहेका स्थानका बासिन्दालाई स्थान्तरण गर्नुपरेमा आश्रय स्थल समेत तयारी अवस्थामा राख्न अनुरोध गरे ।

कार्यक्रममा कमल गाउँपालिकाकी अध्यक्ष मनुका काफ्लले नगरसभाबाट नै विपद् व्यवस्थापनमा आगामी आर्थिक बर्षका लागि रु १७ लाख बजेट नै विनियोजन गरेको बताइन् । उनले तारजाली, लाइफ ज्याकेट, खाद्यान्न र त्रिपाललगायतका सामाग्री समेत तयारी अवस्थामा गाउँपालिकाले राखेको जानकारी दिइन् ।

कनकाई नगरपालिकाका प्रमुख राजेन्द्र पोखरेलले विपद व्यवस्थापन गर्न सजिलो होस् भनेर वडा वडामा समिति बनाएर तयारी अवस्थामा जनशक्तिलाई राखिएको बताए । उनले बर्षातको समयमा नगरमा कनकाई, विरिङ, सुरुङ्गालगायत १० साना ठूला खोलाले दुःख दिने गरेको बताए ।

गौरीगञ्ज गाउँपालिकाका अध्यक्ष बाबुराज श्रेष्ठले गाउँपालिकाका अधिकांश स्थान डुबान र बाढीको उच्च जोखिममा रहेकाले रबरको ढुंगा नै खरिद गरेर पूर्व तयारीमा रहेको जानकारी दिए । उनले जस्तो सुकै विपद आइपरे पनि गाउँपालिका तयारीमा अवस्थामा रहेको जानकारी दिए ।

बुद्धशान्ति गाउँपालिकाका अध्यक्ष रमेश भूजल र हल्दिबारी गाउँपालिकाका अध्यक्ष रविन्द्र लिङ्देनले आफ्ना पालिकाहरुमा डुबानको समस्या नभए पनि नदी कटानको समस्या रहेको हुँदा तारजाली, ढुंगालगायतका सामाग्रीको व्यवस्था गरिसकेको बताए ।

झापामा सशस्त्र प्रहरी, जनपथ प्रहरी र नेपाली सेना समेत बाढी र डुबानमा परेका नागरिकलाई बचाउनका लागि तयारी अवस्थामा रहेको जिल्ला प्रहरी कार्यालय झापाको प्रहरी उपरीक्षक दिनेश मैनालीले बताए । नेपाल रेडक्रस सोसाइटी झापाका सभापति लोकराज ढकालले स्थानीय तहमा रहेका रेडक्रसकर्मी जुनसुकै बेलामा पनि विपद्मा परेकालाई उद्धार गर्न तयार रहेको बताए ।

झापामा विगत दुई दिनदेखि पानी निरन्तर परिररहेको छ । बाढी तथा डुबानको प्रकोपबाट आ–आफ्ना स्थानीय तहका नागरिकलाई उद्धार तथा राहत प्रदानको लागि सबै गाउँपालिका तथा नगरपालिका पूर्ण तयारी अवस्थामा रहेको पाइएको सहायक प्रमुख जिल्ला अधिकारी माधवप्रसाद पोखरेलले बताए ।

Comments