• Radio Himshikhar
  • kankai Bikash Bank
News Updates
  • तरकारी तथा फलफुलमा विषादी मापनका लागि प्रदेश सरकारले सुरु गर्‍यो ल्याब परीक्षण
  • आज देशको अधिकांश भूभागमा भारी वर्षा हुने सम्भावना
  • झापा क्षेत्र नं ३ ‘क’ का लागि १५ करोड बजेट विनियोजन
  • प्रहरीलाई निर्देशन दिंदै गृहमन्त्री थापाले भने, 'जनताको विश्वास थप बलियो बनाउनुहोस्'
  • शिवसताक्षी नगरपालिका ११ मा दुई करोड रुपैयाको लागतमा स्वास्थ्यचौकी भवन निर्माण ।
राष्ट्रिय
न्युजिल्याण्डसामु भारत स्तब्ध, सकियो विश्वकप सपना
प्रकाशित मिति: बुधबार, आषाढ २५, २०७६

अन्तिम ११ बलमा चार विकेट गुमाएपछि भारत एकदिवसीय विश्वकप क्रिकेटको सेमिफाइनलमा न्युजिल्याण्डसँग १८ रनले पराजित भएको छ ।
 

११ बलमा ३० रन चाहिएको अवस्थामा ७७ रन बनाएर खेलिरहेका रविन्द्र जडेजा क्याच आउट भएपछि भारतको हार नजिक पुगेको थियो ।


तर, क्रिजमा महेन्द्रसिंह धोनी थिए र भारतको आशा कायम थियो । तर, ४८.३ ओभरमा धोनीलाई मार्टिन गुप्तिलले डिरेक्ट हिटमार्फत रनआउट गरेपछि हार निश्चित जस्तै भएको थियो ।

त्यसो त ९२ रनमै ६ विकेट गुमाइसकेको भारतका लागि धोनी र जडेजाले १०६ रनको साझेदारी गर्दै जीतको सम्भावना देखाएका थिए । तर, न्युजिल्याण्डका बलरले धैर्यता गुमाएनन् । र, खेललाई पुनः आफ्नो पक्षमा उल्टाए ।
 

 

४९.३ ओभरमै भारतिय खेलाडी अलआउट हुन पुगे ।

भारतका लागि जडेजापछि धोनीले सर्वाधिक ५० रन बनाए ।

भारतले ३.१ ओभरमै आफ्ना दुई ओपनर रोहित शर्मा, केएल राहुल र कप्तान विराट कोहली एक, एक बनाएर आउट भएका थिए ।

ऋषभ पन्त र हार्दिक पाण्ड्याले समान ३२ रन बनाउँदै खेललाई सुधार गरेका थिए ।
 

 

न्युजिल्याण्डका लागि म्याट हेन्रीले सर्वाधिक ३ विकेट लिए भने ट्रेन्ट बोल्ट र मिचेल सान्टरले २, २, लोकी फर्गुसन र जेम्स निशामले १, १ विकेट लिए ।

हेन्री प्लेयर अफ दि म्याच भए ।

मंगलबार वर्षाले स्थगन भएको यी दुई टिमबीचको खेल बुधबार पुनःखेलाइएको थियो ।

न्युजिल्याण्डलाई अन्तिम ४ ओभरमा उत्कृष्ट बलिङ गर्दै २३९ मै सिमित गरेको भारतले सहज जीतको अपेक्षा गरेको थियो ।

भारतका लागि भुवनेश्वर कुमारले ३ विकेट लिए । बाँकी बलरहरुले एक, एक विकेट लिए ।

Comments