• Radio Himshikhar
  • kankai Bikash Bank
News Updates
  • खेलकुदको हव बनाउन धरान उपमहानगरपालिका कस्सियो, पूर्वाधार निर्माणमा जोड दिदै ।
  • कंगोमा फैलिएको इबोलाको महामारी अन्त्य गर्न अझै कम्तिमा तीन वर्ष लाग्ने, हालसम्म इबोलाका ५० प्रतिशत संक्रमणमात्रै पहिचान ।
  • स्थानीय तहमा प्रमुख र उपप्रमुखबिचको बिबाद सतहमा, धनुषामा मेयर र उपमेयरको कार्यालय भवननै फरक फरक स्थानमा ।
  • औद्योगिक पार्कका लागि डिपिआर स्विकृत भएपछि दमकवासी हर्षित, नगर आर्थिक समृद्धीतिर लम्कने विश्वास ।
  • यातायात व्यवस्था कार्यालय मेचीमा अस्थायी ईजाजत पत्र काट्न कर्मचारी गम्भिर बनेनन्, लाखौं राजश्व गुम्दै ।
राष्ट्रिय
प्रधानमन्त्रीकाे अभिनन्दनको बिरोध
प्रकाशित मिति: शुक्रबार, पौष २०, २०७५
इलाम २० पुष ः प्रधानमन्त्री तथा नेकपाका अध्यक्ष केपी शर्मा ओली आज शुक्रबार लगानी सम्मेलनको उद्घाटनकालागि इलाम आउँदै हुनुहुन्छ । इलाम नगरपालिकाले गर्न लागेको लगानी सम्मेलनको उद्घाटन गर्न उहाँ इलाम आउनु हुने भएको हो ।
सोहि कार्यक्रममा प्रधानमन्त्री ओलीलाई नागरिक अभिनन्दन समेत गरिने भएको छ । ओलीको नागरिक अभिनन्दन गर्न नहुने भन्दै नेपाली कांग्रेस इलामले कार्यक्रमको बहिष्कार गरेको छ । उसले बिहिबार इलाम सदरमुकाम सहित जिल्लाका विभिन्न स्थानमा अपिल जारी गर्दै नागरिक अभिनन्दनको विरोध गरेको जनाएको छ ।
मुलुकको खस्कदो शान्ति सुरक्षा, अनियन्त्रित हत्या, बलात्कार, तस्करी र संस्थागत भ्रष्टचार, फितलो कुटनिति, असन्तुलित परराष्ट्र निती, धर्मप्रचार संस्था संगको अप्राकृतिक साँठगाठका कारण असफलता तर्फ लम्किएका र आफनै पाटीभित्र चरम विरोध साथै विवादमा मुछिएका सरकार प्रमुखलाई नागरिक अभिनन्दन गर्न नमिल्ने काँग्रेस इलामका सभापती हिमालय कर्माचार्यले वताउनुभयो ।
इलाममा आन्तरिक पूँजी परिचालन, बाह्य लगानी आकर्षण र रोजगारी सिर्जना गर्ने उद्देश्यका साथ इलाम नगरपालिकाले सदरमुकाममा लगानी सम्मेलन गर्दैछ ।
सम्मेलनको सम्पूर्ण तयारी पुरा भइसकेको जनाएको आयोजकले सम्मेलनको उद्घाटन ठूलो टुडिखेलमा र अन्य कार्यक्रम गौतम बुद्ध सभागृह (सिटी हल) मा गर्ने भनेपनि पछिल्लो कार्य तालिका अनुसार उद्घाटन लगायतका सबै कार्यक्रम सिटी हलमा नै गर्ने निर्णय भएको जनाएको छ ।
 
Comments