• Radio Himshikhar
  • kankai Bikash Bank
News Updates
  • खेलकुदको हव बनाउन धरान उपमहानगरपालिका कस्सियो, पूर्वाधार निर्माणमा जोड दिदै ।
  • कंगोमा फैलिएको इबोलाको महामारी अन्त्य गर्न अझै कम्तिमा तीन वर्ष लाग्ने, हालसम्म इबोलाका ५० प्रतिशत संक्रमणमात्रै पहिचान ।
  • स्थानीय तहमा प्रमुख र उपप्रमुखबिचको बिबाद सतहमा, धनुषामा मेयर र उपमेयरको कार्यालय भवननै फरक फरक स्थानमा ।
  • औद्योगिक पार्कका लागि डिपिआर स्विकृत भएपछि दमकवासी हर्षित, नगर आर्थिक समृद्धीतिर लम्कने विश्वास ।
  • यातायात व्यवस्था कार्यालय मेचीमा अस्थायी ईजाजत पत्र काट्न कर्मचारी गम्भिर बनेनन्, लाखौं राजश्व गुम्दै ।
बिजनेस
पूर्वी पहाडी क्षेत्रमा छुर्पीको व्यावसायिक उत्पादन बढ्दै
प्रकाशित मिति: शुक्रबार, आश्विन ५, २०७५

ईलाम । युरोप तथा अमेरिका र क्यानडामा डग च्युुका रूपमा निर्यात हुने छुर्पीको माग बढेपछि नेपालको पूर्वी पहाडी क्षेत्रमा छुर्पीको व्यावसायिक उत्पादन बढेको छ । 

हड्डी वा अन्य कृत्रिम वस्तुको साटो कुकुरलाई चबाउन दिन पश्चिमी देशहरूबाट दूधलाई प्रशोधन गरेर बनाइने छुर्पीको अत्यधिक माग भएपछि पशुपालकहरूले उत्पादन बढाउन थालेको बताइन्छ । पूर्वी पहाडी जिल्लामा उत्पादित छुर्पी कुकुरको आहारको रूपमा अमेरिकालगायत युरोपेली मुलुकमा निकासी हुने गरेको छ ।

इलाम, पाँचथर, ताप्लेजुङ, तेह्रथुम, सङ्खुवासभा, धनकुटालगायत पूर्र्वी पहाडी जिल्लामा उत्पादित छुर्र्पी अमेरिकी र युरोपेली मुलुकमा निकासी हुने गरेको छ । बजारको मागअनुसारकै गुणस्तरमा डग च्यु तयार भइरहेकाले पनि अन्तर्राष्ट्रिय बजारमा नेपाली छुर्र्पीको माग उच्च रहेको व्यवसायीहरू बताउँछन ।

व्यापार तथा निकासी प्रवर्धन केन्द्रका अनुसार आर्थिक वर्ष २०७४÷०७५ को ११ महिनाको अवधिमा नेपालबाट झन्डै साढे पाँच लाख किलो अर्थात ८० करोड मूल्य बराबरको छुर्र्पी विदेश निर्यात भएको छ । त्यसमध्ये ७२ करोड मूल्य बराबरको छुर्र्पी अमेरिका निर्यात भएको केन्द्रको तथ्याङ्कमा उल्लेख गरिएको छ । 

Comments